اوٹٓاوا: کینیڈا میں پائلٹ نے طیارے میں فنی خرابی پیدا ہونے کے سبب مصروف موٹروے پر ایمرجنسی لینڈنگ کرادی جس کی ویڈیو وائرل ہوگئی۔
غیرملکی خبررساں ادارے کی رپورٹ کے مطابق کینیڈا میں کیوبیک سٹی کے قریب موٹروے پر پائلٹ نے طیارے میں فنی خرابی ہونے کے نتیجے میں ہنگامی لینڈنگ کرادی، مسافروں نے پائلٹ کو جیمز بونڈ کا لقب دے دیا۔
حیرت انگیز طور پر پائپر چیرو کی پائلٹ سمیت کوئی مسافر زخمی نہیں ہوا، مقامی فائر فائٹرز نے جائے وقوعہ پر پہنچ کر پائلٹ اور مسافروں کو ریسکیو کیا۔
دوسری جانب ہائی وے پر آنے والی دوسری گاڑیوں کے مسافر یہ سارا منظر دیکھ کر حیران رہ گئے، ایک گاڑی کے مسافر میتھیو للرک نے سارے واقعے کو اپنے کیمرے میں محفوظ کرلیا۔
ویڈیو میں دیکھا جاسکتا ہے کہ طیارہ ٹریفک کے اوپر اڑتا ہوا نظر آرہا ہے بعدازاں گاڑیوں کی موجودگی میں پائلٹ نے کامیاب لینڈنگ کی
Comments
Post a Comment